我推的野男LIVE! | 四組野男搏盡為做最後十強 「顏值隊」唯一滿員入決賽

《我推的野男LIVE！》賽事進入白熱化階段，今個星期初播出嘅兩集，就係4組野男爭取進入十強前最後兩輪比賽，分別進行三款遊戲︰「連環轟炸攻守戰」、「雷擊閃避球」、「神力衝鋒師」定勝負。 

野男嘅競爭越見激烈，下周仲會開始爭取進入十強

喺10月1號一集，「胸猛隊」8號李健禧(William)同11號鄧家朗(Ron)組成嘅二人組合，對決「智齒隊」15號劉梓謙(Curtis)、12號梁景𡺤(Jason)同14號劉振鑫(Ken)嘅三人組合。 Curtis賽前已明言上次因身體不適避戰，今次會全力以赴，更直言唔會留力。「智齒隊」一開場就連贏兩項遊戲，令二人組嘅「胸猛隊」有滅團危機。

最後一戰「神力衝鋒師」中， William喺生死一戰化身成野獸，咆哮聲中同Ken來回拉扯長達1分半鐘，成功扳回一城。最後，經熱度測試Ken無奈被淘汰。 

每個遊戲之後都係各位野男最緊張嘅時候

至於喺9月30日晚，「顏值隊」2號關經翰(Oswald)、1號李清杰(Uclean)、3號施顯澍(Austin)同22號伍家豪(Ivan)對戰「狼虎隊」16號王國昇(Mike)、20號凌志杰(Irwin)同21號陳家豪(Ricky)。
記得下星期一、二繼續留意《我推的野男LIVE！》見證十強誕生

喺兩輪比賽中，兩隊各有勝負，可過亦各有一名組員，Uclean同Irwin跌入「水深火熱區」。最後一輪「神力衝鋒師」比賽中，Uclean展現強大爆炸力同求生意志，為「顏值隊」再下一城。Ricky需跌入「水深火熱區」。喺最後熱度戰中Ricky被淘汰，而多次喺出局邊緣嘅Uclean再次完美逃脫，同時「顏值隊」成為唯一一隊滿員4人嘅野男組合。