鄭俊弘月底與囝囝到美國治療 吳大強偕契女任區瑞強個唱嘉賓

鄭俊弘 Fred、吳大強同區瑞強喺國慶夜擔任慶祝活動嘅表演嘉賓，佢哋先後獻唱大家耳熟能詳嘅歌曲，而向來親民嘅Bill哥哥，仲落台同觀眾近距離接觸，邊唱邊同大家握手。

Fred同老婆何雁詩已經計劃帶患有天使綜合症嘅囝囝去美國接受治療，呢日Fred就透露更多詳情，指將會喺今個月尾就展開呢個行程，到時大概會逗留兩個月，睇下當地嘅醫生有啲咩建議同療程係適合囝囝。
Fred透露月底將同太太帶患有天使綜合症嘅囝囝去美國治療

提到囝囝現時嘅情況，Fred就讚佢進步好大，除咗識爬識坐外，最近仲學識咗企起身，所以對囝囝嘅情況都相當樂觀。
Fred又指囝囝最後學識企，有唔少進步

Bill哥哥嚟緊就會擔任區瑞強嘅演唱會嘉賓，為咗配合演唱會主題，Bill哥哥就搵嚟契女同台演出，佢仲搞笑咁話而家潮流興一老一嫩，合作起嚟會有唔少火花呀。講到歌單，區瑞強就話因為Bill哥哥好鍾意唱歌，每次都會拋出多首歌先再慢慢揀，所以到而家都未決定好演出歌單呀。

Albert同Bill哥哥好快就會再喺舞台合作