吳文忻抗癌有進展秀髮重現 父猝逝陰霾遠去中氣十足

已改名為 吳忻熹 嘅 前港姐 吳文忻 8月時因為乳癌復發，開始接受化療，亦因副作用而大量脫髮。積極抗癌嘅佢未被病魔重臨嚇怕，反而正面接受治療，早前又同兩位女女一齊參與時裝騷，又轉往泰國接受細胞治療，亦不時於網上分享情況，又同病友相互鼓勵。

吳文忻確認癌症復發後積極抗病

又接受唔同治療方法，早前仲指腫瘤已縮細一半
上月初佢為大家簡介進展時，曾高興提到左胸嘅腫瘤已縮少一半，情況不俗，不過人生無常，佢嘅爸爸教然猝逝，為吳家上下帶來另一重大打擊。經過一個多月時間，月初為亡父辦妥後事嘅佢已經重拾精神，繼續努力抗病。
近日新片仲可以見到佢氣息非常唔錯

近日佢就公開自己接受針灸同步治理嘅情況，而新近公開嘅影片，亦可見佢面色紅潤，頭上亦已長出一頭濃密短髮，精神非常唔錯。