薛家燕工作排得密麻麻 爆孫仔蠢蠢欲動想去登台

薛家燕呢日同安德尊一齊出席廚具活動，家燕姐一出場就問在場觀眾佢同大王襯唔襯，又話自己件衫同大王條呔襯晒色，令在場觀眾笑唔停。

家燕姐去到邊都會為大家帶來歡笑

家燕姐指呢日有位支持咗佢幾十年嘅fans，專程由澳洲返港同佢見面，令家燕姐感動不已。嚟緊家燕姐要為工作周圍飛，除咗去內地登台後，又要去溫哥華拍電視劇，而去年佢喺馬來西亞推出嘅新年歌，因為成績好好嘅關係，所以今年會再推出，下個月就會飛到當地灌錄喇。

呢日仲有一位追隨佢幾十年嘅Fans遠道由澳洲返港見面
而家燕姐嘅寶貝孫仔，都蠢蠢欲動想一齊去登台，而家就計劃下年同安德尊會帶埋孫仔一齊去咗登台呀。

家燕姐又話孫仔非常喜愛表演，所以有打算登台都帶佢同行