黎瑞恩演唱會籌款幫中風病人獲免費中醫診療 留家專心閉關謝絕一切約會

黎瑞恩（小恩子）一向做善事不遺餘力，每次舉行演唱會都會幫助不同慈善機構籌款。小恩子喺2013年曾舉行慈善演唱會為榕光社籌款，幫助獨居長者同聾啞兒童；2018年《感恩有你》演唱會，小恩子就為腎臟基金會籌款買洗腎機等。

小恩子今次演唱會亦再次延續助人為快樂之本精神，個唱幫助機構「快樂港仁」籌款。
小恩子今次演唱會亦再次延續助人為快樂之本精神，個唱幫助機構「快樂港仁」籌款，讓一班有需要嘅中風病人獲得免費中醫診療服務。小恩子呼籲朋友、歌迷們唔使送禮物、花籃，將購買花籃嘅金錢捐畀「快樂港仁」，「每捐300元就可資助1位中風病人針灸治療1次，幫助到有需要病人更加有意義」。

小恩子為咗屆時有最佳狀態，早已謝絕一切約會，全力留喺屋企專心閉關。
小恩子一向十分欣賞中國傳統藝術文化，今次演唱會其中一部份將會演唱小調歌曲，小恩子更花足心思，特別邀請咗國際級著名洞簫演奏家譚寶碩大師助陣演奏，專誠請北京嘅師傅訂造一件全人手刺繡嘅國風服。小恩子期待下星期就會運到香港，好想快啲見到實物。

小恩子呼籲朋友、歌迷們唔使送禮物、花籃，將購買花籃嘅金錢捐畀「快樂港仁」。
距離演唱會仲有兩個星期時間，小恩子為咗屆時有最佳狀態，早已謝絕一切約會，全力留喺屋企專心閉關，直言唔會用提字機，希望每首歌唔會錯歌詞，「我記性差，所以要特別落力」。