吃貨橫掃港深珠丨梁凱晴梁超怡落區聽回饋 店主讚節目助生意增五成

為咗令更多香港市民留港消費，由五位吃貨女神主持嘅《吃貨橫掃港深珠》，為大家搜羅唔少餐廳優惠。自節目播出以嚟就有唔少觀眾都喺節目中成功掃code攞到着數同優惠，呢日其中兩位吃貨女神梁凱晴同梁超怡，就落區睇下大家食得夠唔夠盡慶！
兩位吃貨女神梁凱晴同梁超怡落區聽大家意見。食店老闆話節目幫助生意提升五成。
唔只市民話因為優惠劵而可以平價食到美食，仲有外國友人話睇完介紹跟住搵食，食到唔少好西。而食店老闆就話節目播出後，多咗唔少生客排隊，其中賣雞蛋仔嘅廖老闆，開心表示生意多咗五成。亦有觀眾表示睇完節目介紹，加上有優惠嘅關係，覺得相當划算，所以決定要嚟排隊試食兼打卡。
梁凱晴同大家影相留念。外國友人都話本地啲美食好味呀！
兩位吃貨女神話見到佢哋推廣過嘅餐廳，每間都有咁多人排隊，成就感滿滿。其中梁凱晴去到一間可以睇到維港海景嘅餐廳同顧客們傾下偈，佢哋都話睇完節目見主持們食得相當滋味，加上又有優惠，所以就約埋幾個好姊妹一齊嚟試食，可以品嚐美食同美景，觀眾們都話好抵呀！
梁凱晴嚟到餐廳同食客們傾吓偈。唔少食客都同梁凱晴自拍留念。