伊健57歲生日收燒豬仔慶祝 與蒙嘉慧低調恩愛迎鏈婚

娛樂圈Kidult代表，乜活動都啱玩嘅 鄭伊健 10月4號踏入57歲，近年同太太 蒙嘉慧 一直過住低調甜蜜生活嘅佢哋，分別貼出Q版燒豬蛋糕、水晶蛋糕等滿枱蛋糕嘅慶祝情況，雖然未有公開其他相片，不過據Yoyo嘅Post多謝餅店設計，估計兩人近日身處香港。

伊健貼出可愛燒豬蛋糕相，枱上仲擺滿其他蛋糕同壽桃

伊健下月將到高雄舉行巡迴演唱會
伊健近來不時去唔同地方舉行巡迴演出，繼早前倫敦同大馬站之後，下月就會到高雄巨蛋演唱。「浩南哥」形象深入民心嘅佢，早前到台灣宣傳時大受歡迎。而近年甚少公開演出嘅Yoyo，則於日本展開房地產生意。
太太Yoyo則於日本發展房地產事業

明年初就結婚12周年嘅呢對夫婦，不時齊齊做運動，空閒時又會周圍飛擴闊眼界享受人生，恩愛生活羨煞旁人。

兩人不時低調放閃

明年初就係佢哋結婚12周年