港姐全桃紅打扮現身晚宴 倪樂琳將出發拍節目盼嘆盡美食

幾位應屆港姐 倪樂琳 梁嘉莹 楊梓瑤 同 王汛文 呢日齊齊以襯絕嘅桃紅晚裝，參與一個晚宴，而今年聖誕Ellyn將離港拍攝，佢就話首次於工作中度過，希望呢次拍旅遊節目可以大飽口福咁話。

倪樂琳透露聖誕將出發拍攝旅遊節目
雖然有機會嘗試不同美食，不過始終係幕前工作，Ellyn就話要同時管理身材，所以同時會準備唔同法寶隨身，若果真係食多咗仲會做多啲運動補數呀。
佢仲話已經做足準備以免身材走樣

Emily聽到就話自己係為食一族非常羨慕，仲話對日韓美食情有獨鍾，而Candice就認為可以遠行就最開心，Amina就話Omakase形式最得佢心，因為可以嘆到廚師最自信嘅菜色咁話。
幾位應屆港姐都希望有機會嘗試唔同工作

Candace早前度過24歲生日，佢仲約埋參選時認識嘅好姊妹齊齊慶祝，佢仲話希望身體保持健康，時間可以倒流就再開心喇。身為《東張》主持之一嘅佢亦都話，希望可以更熟悉採訪技巧，表現得更好喎。

日前踏入24歲生日嘅王汛文相約佳麗慶祝