馬國明與湯洛雯爸媽低調遊韓國 化身廿四孝女婿照顧無微不至

馬國明（馬明）與湯洛雯（靚湯）去年底喺親友見證下拉埋天窗，兩公婆講明生B順其自然，婚後幸福享受二人世界，而且馬明工作忙碌，一有時間佢就化身「愛妻號」陪伴靚湯。

有網民見到馬明同靚湯喺韓國旅行。
馬明早前先陪靚湯去日本輕井澤出席蔣家旻婚禮，馬明同靚湯仲恩愛撐枱腳，周三（2號）中午就有網民見到馬明同靚湯喺韓國旅行，馬明夫婦及外父外母一齊喺押鷗亭行街，又去咗明洞一間餐廳食飯醫肚。

馬明夫婦及外父外母一齊喺押鷗亭行街。
相中見馬明同靚湯似係等人，未見外父外母入鏡，不過該網民稱「看到馬國明夫婦以及岳父岳母」，話晒外父湯鎮宗曾大讚呢個半邊仔照顧家人無微不至，畀女婿馬明有90分，非常放心將個女交畀對方，馬明絕對係廿四孝高分女婿，唔使開工嘅日子，仲肯帶埋外父外母一齊旅行，而靚湯本身又係孝順女，相信湯鎮宗對呢次家庭旅行行程方面應該相當滿意！

馬明早前先陪靚湯去日本輕井澤出席蔣家旻婚禮，馬明同靚湯仲恩愛撐枱腳。

兩公婆講明生B順其自然，婚後幸福享受二人世界。

外父湯鎮宗曾大讚呢個半邊仔照顧家人無微不至，畀女婿馬明有90分。