馬國明重遇老豆及養女三代同堂 向蕭正楠有喜送祝福疑洩露玄機！

馬國明、李龍基、冼迪琦一齊現身活動，馬明重遇曾經喺劇集飾演佢養女嘅小迪同埋曾經演過佢阿爸嘅基哥，呢個三代同堂嘅組合特別親切。

近日有傳靚湯有喜，馬明否認話真係未有，亦唔關講唔講得事。
踏入12月係馬明同老婆湯洛雯結婚周年，馬明結婚紀念日佢會喺深圳開工，屆時老婆會前往探班，二人會喺工作地點附近簡單食飯慶祝。至於禮物方面，馬明話佢同老婆有個習慣，會話俾對方聽鍾意咩就各自去買，咁樣一定鍾意，唔會浪費。而佢已經送咗聖誕同周年禮物畀老婆，自己則未收到禮物，亦未諗到想要咩。

馬明結婚紀念日佢會喺深圳開工，屆時老婆會前往探班。
馬明同靚湯婚後經常被問幾時會生B，眾人好期待二人嘅愛情結晶品快啲嚟報到，近日有傳靚湯有喜，馬明否認話真係未有，亦唔關講唔講得事，完全唔係，有嘅時候佢哋一定會公布，仲話老婆現時都要工作，只係大家見唔到，以為佢冇嘢做。

馬明祝福翠如母子平安，似乎唔覺意吐露咗BB性別。
雖然馬明未有好消息公布，但佢嘅好兄弟蕭正楠就準備迎接小生命來臨，馬明原來早已獲知喜訊，已經再三恭喜阿蕭同翠如，好戥佢哋開心，祝福母子平安，似乎唔覺意吐露咗BB性別。
基哥今年度過Lonely Christmas，未婚妻王青霞仲要七個幾月先出獄，基哥好期待同女友相聚，仲話會盡快安排結婚沖喜，令女友以李太身份再嚟香港。 

基哥好期待同女友相聚，仲話會盡快安排結婚沖喜。