黃翠如獲吳天瑜來港歡聚 感激好友探望我們仨

黃翠如同老公蕭正楠上月公布咗懷孕喜悅後，真係收祝福收到唔停手，除咗阿蕭台慶日喺電視城獲全公司上下祝福之外，翠如嘅社交平台亦被祝賀留言炸爆，不過相信令翠如同阿蕭最開心嘅祝福之一，莫過於佢哋好友吳天瑜專程喺馬來西亞來港歡聚。
蕭正楠 黃翠如 吳天瑜
好友特意來港探翠如。
翠如喺社交平台開心分享合照，仲話「終於來探我們了，每年年尾都是我飛過去馬來西亞找她，終於今次是她飛來找我，們，仨。」呢一句「飛來找我，們，仨」完全感受到翠如幸福開心嘅心情。相中嘅翠如狀態好好，同好友外出嘆美食時，不忘喺街頭留倩影。
吳天瑜
其實翠如同天瑜係相識於微時，多年嚟感情非常好，翠如同阿蕭每年年尾都會飛到馬來西亞探天瑜，順便同佢哋契仔（天瑜兒子）玩。翠如早前喺巴黎主持完奧運之後，都相約天瑜喺巴黎見面遊玩，而今年因為翠如懷有BB，天瑜就繼續年尾之約，主動飛到香港聚面兼親自祝賀翠如夫婦。
之前翠如去法國主持完奧運，吳天瑜都有飛到去當地同翠如見面。
佢哋感情超好。