何依婷懷孕5個月自爆拍劇妊娠反應嘔唔停 成為人母無阻為事業繼續衝刺

何依婷（Regina）結婚一年，呢日挺住孕肚現身一個聖誕活動，宣布懷孕5個月嘅好消息。Regina笑言陀B初時正係新劇《金式森林》嘅拍攝期，所以佢覺得呢套劇好有紀念價值！

何依婷結婚一年，呢日挺住孕肚現身一個聖誕活動，宣布懷孕5個月嘅好消息。
發現有喜時，Regina 仲誤將妊娠反應當做腸胃炎，事後更被朋友反問：「點解當然冇諗到會係有BB?」Regina諗起都覺得件事好好笑！雖然妊娠反應令Regina嘔不停，但好在一roll機，呢個反應就暫時停止！ 

Regina宣布喜訊後收到唔少好友祝福，佢就話之後計劃搞個揭曉BB性別嘅派對。

Regina宣布喜訊後收到唔少好友祝福，佢就話之後計劃搞個揭曉BB性別嘅派對。不過Regina話本身係想自己一個人知，將BB性別保密到喺派對揭曉，點知老公爭住要知結果，令佢失咗少少預算！但無論係B仔定B女都係Regina同老公第一個愛情結晶，所以佢哋會好珍惜呢個BB。 

Regina早前拍完劇就同老公一齊去旅行玩吓兼養胎。

Regina早前拍完劇就同老公一齊去旅行玩吓兼養胎，享受陽光與海灘。呢個就絕對唔會係夫妻倆最後一次二人世界之旅，事關Regina已同老公計劃好接落嚟嘅旅行計劃。而Regina大讚老公貼心，無論起居飲食定係出行都會加倍細心照顧自己。Regina作為近年力捧小花之一，雖然要成為媽媽，但呢個身份唔會令佢事業受影響，因為多一層身份令佢對人生多咗體驗。