張寶兒即興帶袁咕碌親親野外 袁偉豪享受有仔萬事足生活

袁偉豪（Benjamin）同張寶兒（Bowie）自從有咗兒子袁咕碌後，兩公婆有B萬事足！Bowie不時拍片同大家分享親子日常，近日佢帶袁咕碌上完Gym堂後就一齊去郊野公園親親大自然，一歲寶寶袁咕碌喺毫無準備下，帶住隨時準備玩嘅心情，第一次行山坡、第一次見到風箏，玩得非常開心。 

袁偉豪同張寶兒自從有咗兒子袁咕碌後，兩公婆有B萬事足！

阿Ben早前喺新加坡出差時接受當地傳媒訪問，大談自從步入中年兼成為人父後，多咗新嘅體會，學識「坦然面對」同「睇得開」，令內心少啲掙扎時刻。阿Ben自認感性，做咗爸爸後就反而學識更理性去分析每件事。 阿Ben話阿仔袁咕碌令佢學識睇透好多事，每日返屋企淨係想陪囝囝玩多啲、影多啲相。睇住袁咕碌一日一日咁長大，令佢好窩心。

張寶兒帶袁咕碌上完Gym堂後就一齊去郊野公園親親大自然。

袁偉豪大談自從步入中年兼成為人父後，多咗新嘅體會，學識「坦然面對」同「睇得開」。

阿Ben仲喺訪問透露深信袁咕碌喺「新加坡製造」，因為佢同Bowie上次到訪獅城後再飛去瑞士工作，期間Bowie喺機上感到不適，好有可能係胚胎著床嘅反應。 

阿Ben仲喺訪問透露深信袁咕碌喺「新加坡製造」。

最好笑嘅係當時Bowie返港後因有傷風症狀而做新冠病毒快速測試，然後再拎出另一支兩條線嘅棒畀阿Ben睇，宣布有喜消息，阿Ben仲反問老婆「確定呢次唔係驗新冠嘅棒」，阿Ben笑言未來想帶袁咕碌去獅城旅遊，又形容阿仔好似媽咪，絕對係開心寶寶，自己都被袁咕碌感染變得開心。

阿Ben形容阿仔好似媽咪，絕對係開心寶寶。