32歲韓國演員朴敏宰旅行期間猝逝 12月4號首爾舉辦喪禮

韓國演藝圈最近傳來噩耗，年僅32歲嘅演員朴敏宰(박민재)喺中國內地旅行期間心臟驟停離世。 其所屬經理人公司於12月2號喺社交平台忽然貼出朴敏宰死訊。

所屬經理人公司於12月2號喺社交平台忽然貼出朴敏宰死訊。
經理人公司指演員朴敏宰係一位熱愛表演嘅演員，已去咗天國，非常感謝大家對演員朴敏宰嘅愛及關注，據知朴敏宰計劃去旅行一個月，喺11月29號喺外遊期間因心臟停頓而死亡。

據知朴敏宰計劃去旅行一個月，喺11月29號喺外遊期間因心臟停頓而死亡。
經理人公司嘅代表黃珠惠亦喺網上貼文悼念：「說要旅行一個月的小傢伙，竟然踏上一段這麼長的旅程…… 太突然亦太令人難以置信。即使是短暫的時間，能戶為你的代表，我很感淚，也無比地抱歉。」

朴敏宰將於12月4號上午舉辦喪禮，出殯儀式將於當地時間上午9點半進行。
另外，朴敏宰嘅胞弟喺社交平台發訃文：「摯愛的哥哥長眠了，很抱歉無法一一聯絡大家，但希望大家多多來看看哥哥，送他最後一程。 」朴敏宰將於12月4號上午喺梨花女子大學首爾醫院殯儀館9號室舉辦喪禮，出殯儀式將於當地時間上午9點半進行。 朴敏宰友人受訪表示「他平時沒有疾病，是個健康的朋友」，無法相信好友已離開人間，悲痛不已。 

朴敏宰友人受訪表示「他平時沒有疾病，是個健康的朋友」。
朴敏宰曾參演多部韓劇包括《小女子》、《Numbers:大廈之林的監視者們》、《閃耀國度》、《高麗契丹戰爭》、 《還有明天》等。