張嘉兒移民溫哥華擔任地產經紀惹負評 樂觀面對陪女兒遊溫尼伯賞雪買糖

2007年港姐冠軍張嘉兒於3年前舉家移民溫哥華，嘉兒一向百足咁多爪，除咗係營養學家及正面管教認證講師，最近更成為地產經紀，近日喺社交平台上載影片介紹列治文，卻被網民批評避重就輕！

嘉兒一向百足咁多爪，除咗係營養學家及正面管教認證講師，最近更成為地產經紀。
嘉兒藉著喺溫哥華長大嘅優勢，提供投資顧問與諮詢，拍片介紹列治文當地嘅社區環境，適合新婚夫婦、一家幾口同退休人士居住，被網民批評佢賣花讚花香，冇提及列治文有意喺當地醫院可能建立毒品注射站，同埋當地居民反對列市府計劃喺中心地帶建設永久支援房屋等問題，遭網民批評未夠專業。

嘉兒未有被事件影響心情，今日喺社交平台更新狀況。
嘉兒未有被事件影響心情，今日喺社交平台更新狀況，見佢同大女劉在芯（Leora）及細女劉在懿（Hannah）去咗溫尼伯（Winnipeg）旅行，當地零下11度，三母女喺雪地跳起，之後嘉兒帶阿女去糖果店，心情大靚！

嘉兒帶阿女去糖果店，心情大靚！
嘉兒於2007年勇奪港姐冠軍後留港發展，喺2015年嫁金融才俊Nathan，成為千億豪門闊太，其後開始淡出幕前，專心相夫教女，嘉兒老公Nathan係會計師兼職金融，而嘉兒老公更係孫中山啟蒙老師何啟爵士第四代後人，家世顯赫。嘉兒大學時期主修營養學系，獲得香港中文大學公共衛生碩士學位，之後一直努力鑽研幼兒教育，最近喺溫哥華更做埋地產經紀，果然事業心好重！