40歲高鈞賢宣布雙喜臨門明年1月做爸爸預生1個夠晒數

40歲高鈞賢（Matthew）日前被網民佢嘅圈外女友疑似有喜，終於宣布做爸爸，今日有報道指佢同細10年嘅圈外女友喺加拿大註冊，成家立室，準備迎接女兒出世，太太預產期係明年1月中。

40歲高鈞賢終於宣布做爸爸，仲同女友拉埋天窗，雙喜臨門！
高鈞賢近年轉戰內地市場，於深圳定居，早前高鈞賢出席時裝活動，見佢無名指戴上婚戒，佢冇透露太多，只係話下個月頭有開心事宣布；高鈞賢接受傳媒訪問時稱早前於好友見證下，喺香港求婚成功，跟住去咗馬爾代夫影婚紗相，再喺加拿大註冊，嚟緊迎接「小龍女」出世，佢每次都有抽時間陪太太做產檢，做一個有責任感嘅爸爸！

高鈞賢準備迎接女兒出世，太太預產期係明年1月中。高鈞賢接受傳媒訪問時稱早前於好友見證下，喺香港求婚成功。高鈞賢嚟緊迎接「小龍女」出世，就算工作再忙，佢每次都有抽時間陪太太做產檢。
高鈞賢又指BB來臨係上天給予嘅禮物，預生1個夠晒數；呢位新手爸爸嚟緊忙為事業搏到盡，高鈞賢目前亦要中、港兩邊走，高媽媽早前發現患上乳癌二期，已完成手術，未來仲要照顧媽咪去戰勝，又指用獅子「Lion」為阿女英文名取名「Liona」。