龔嘉欣狂操備戰爭奪世代物流 曬強勁背肌求完美身形

喺台慶劇《企業強人》當中扮演 方芳 嘅 龔嘉欣 外表溫柔但角色性格硬朗，非常有遠見咁決定大舉發展頂起全家嘅物流生意。而現實中嘅Katy近年亦不斷發展唔同事業，除咗早已開展嘅飲食業之外，最近更同 譚凱琪 合作開設女裝網店，戲內戲外都一樣周身刀認真犀利。

龔嘉欣近日曬出自己嘅做Gym片段
「方芳」喺劇中將繼續周旋於物流公司控制權同生父邢文浩嘅瓜葛之間，加上劇情發展白熱化，難怪佢要先放低兒女私情呢啲濕碎事，狂操健身應戰喇。Katy呢日Post出喺Gym舉啞鈴等嘅片段，見佢一面嚴肅非常認真，似乎對「世代物流」一戰胸有成竹。
扮演方芳嘅佢話希望重回至Fit身形

佢仲寫道：「今日世代物流放假～要努力喚醒返《殺手》時候嘅肌肉

嗰陣時真係無論幾夜收工 幾攰都一定會做返一Set 肌肉訓練
健身做運動係為自己 亦唔需要同人比較見到自己健康 

同埋擁有一副 自己喜歡嘅身型相信會覺得滿足同開心！

It’s my turn !!! Gym mode on !!!歡迎大家約我一齊做Gym！」
舉起咁大個啞鈴真係唔係做樣

Katy咁講擺明就係似啲成績好但係又話冇溫書嘅同學咁，表面好似好擔心，點知一出手就嚇你一驚。睇嚟係為《企業強人》中佢同 陳豪 譚俊彥 仲有 姜大衞 同 張曦雯 之間嘅明爭暗鬥做足準備功夫喇。
早前佢又宣佈同譚凱琪合作開拓時裝界

台慶劇《企業強人》星期一至五晚 20:30 翡翠台