在家宴客50道菜｜幟哥出手教煮宴客菜色 嘉欣近廚學嘢狂打貓

新節目《在家宴客50道菜》好快就會同大家上堂，節目唔止由近年涉足飲食生意嘅 龔嘉欣 擔任主持，更有多位業內知名大師傅會分享烹飪妙招。不過嘉欣就話拍攝時一直把嘴都狂食未停過，想真正落手幫忙學嘢都冇時間咁話。

幟哥已多年未於鏡頭前即席示範烹飪
其中為人熟悉嘅名廚 黃永幟 就指會毫無保留將秘技小貼士同大家分享，只要認真留心就自然可以學有所成， 喺屋企輕鬆宴客無難度喇。
今次佢就會為節目向嘉欣同觀眾示範喇

雖然幟哥笑嘉欣冇乜幫手，仲話要考佢係咪真係學識，而首次主持烹飪飲食節目嘅嘉欣，就指真係學到唔少有用技巧同宴客菜色，幟哥仲話嘉欣跟完咁多師傅學藝，而家都身為師傅之一咁話。