星光路上足本版丨杜如風欣然接受不同評論 被父母溺愛自小不擅理財

杜如風 主持嘅《解風》系列，最新一篇嚟到《解風福岡》。呢日Helen作客 《星光路上》接受 潘盈慧 嘅專訪，Helen主持過多個旅遊節目，觀眾都覺得佢講嘢節奏較慢，佢話自己而家講嘢已經快咗啦，今次拍節目時，導演仲要求佢講慢啲添，對於觀眾無論係好評或負評，Helen都欣然接受，佢覺得大家都有言論自由，就算得到負評，Helen都睇得好開，仲話唔會影響到佢生活。

今次拍攝時間長﹐大家一上車就即時要小休充電
每次拍節目Helen嘅荷包必然大出血，今次當然都唔例外啦，佢話每次血拼都會用晒成份糧去買心頭好，甚至仲會超出份人工添，所以咁多年嚟佢都係月光族。講到父母一直以嚟嘅教養，Helen話可以用溺愛嚟形容，佢話媽媽曾經做過中學訓導主任，唯獨係教唔到佢，而爸爸就一定係錫到佢燶。
杜如風透露深明父母對自己嘅溺愛

Helen話記得當年只有15歲，爸爸已好放心，比錢佢去日本旅行血拼，早年爸爸離開咗，Helen話佢同媽媽嘅關係更close，仲話媽咪到而家都成日想阻止佢買嘢，至於有無催婚？Helen就話媽咪已經放棄，佢仲分享咗自己嘅擇偶要求，話要靚仔、小鮮肉同專一，因為太難啦，所以Helen而家都抱隨緣心態。

佢分享當年由資料撰稿搖身一變成為主持嘅故事