車婉婉任母校晚宴司儀爆水煲 無人機表演賀校慶觸目會展

車婉婉 近日雖然忙住為《中年好聲音3》主持，喺節目中擔大旗同選手互動，除此之外，婉婉亦有另一重任，就係為母校聖保祿學校嘅170年校慶晚宴做司儀，活動上婉婉仲撞見好多校友、師生同師姐師妹們，又遇見校友向海嵐，大家難得聚首一堂，度過一個溫馨又感動嘅晚上。

車婉婉呢日為母校170周年校慶擔任司儀
婉婉Po出同眾多校友及老師嘅相片感觸留言：「能夠為母校擔任170th Anniversary Celebration Homecoming Gala Dinner其中一位司儀，同幾位師妹合作，實在太榮幸、太珍貴，整個晚上母校為各位安排的所有一切，不但細心，亦很窩心。」婉婉出名感性容易落淚，就好似水煲一樣，面對呢晚嘅場面水煲又爆咗，其中嘅留言講到：「晚宴由全場大合唱校歌揭開序幕，我個水煲當然頂唔住，所有回憶迅間強烈Playback，再在台下見番我年代的校長 Sister Damien，仲有Sister Angelina、中史老師、中文老師加班主任、RS老師、還有同屆嘅姊妹們⋯ 實在太多太多感受、太多太多愛，有著談不完的話題...」
席間又遇到同校校友向海嵐

婉婉非常珍惜呢晚嘅聚會，場內溫情洋溢，場外亦充滿警喜歡樂，因為校慶特設無人機表演，亦係全港第一間學校用無人機表演慶祝，與民同樂。婉婉感覺非常震撼，以一個字「勁」嚟形容盛大場面，又大讚場外打咭各個位置都佈置得十分細緻，令大家都感覺回到母校嘅懷抱。最後衷心感謝邀請，有機會為母校出一分力，並為各位同學加油，希望我們好快再見。

婉婉話最開心係當年回憶湧上心頭，搞到佢又忍唔住落淚口咁話