與天地對話丨余文樂澳洲訪大堡礁拍TVB台慶節目 親解絕跡幕前多年因由

余文樂 好耐冇喺公仔箱出現，呢日佢出發為TVB台慶節目《與天地對話》飛去澳洲拍攝，樂仔幾年前喺社交平台自爆2017年患上恐慌症，減少去人多地方，樂仔亦親解絕跡幕前多年因由，仲話準備今年全面復工！

久未於香港露面嘅余文樂，呢日出發為TVB拍攝新節目
樂仔笑指導演組厲害能夠說服佢所屬嘅公司，坦言係身體問題令佢少咗喺幕前演出，一見到人多就成個人易感到焦慮，樂仔又指最近已出嚟做嘢，叫大家唔使太擔心，已開始復工，工作亦排得密密麻麻。
早前曾透露身體出現問題嘅佢，已經有復工計畫

樂仔早前貼相表示病後第一次再潛水，中途遇上恐慌症發作，嘗試克服後不果，只好無奈上水，樂仔就未有透露今次去澳洲訪大堡礁會唔會落水；樂仔本身好少錄節目，今次拍足12日要一個人出鏡，樂仔覺得都OK，傾吓偈同去啲未去過嘅地方。

今次佢前往澳洲錄影《與天地對話》