周吉佩水晶巴士搞生日派對 迎11月個唱積極做運動操肌

10月8號係周吉佩（吉吉）38歲生日，一班吉S粉日前安排同吉吉遊巴士河，睇夜景兼舉行生日音樂會，吉吉與吉S粉盡興而歸，連吉吉嘅太太黃彥欣、仔女、外父外母都一齊出席分享喜悅，眾人一齊大合唱生日歌，令吉吉感到好窩心。
10月8號係周吉佩38歲生日。
吉吉好感激吉S粉嘅安排，經歷呢年幾相處，大家感情深厚咗好多，見到大家好主動參與歌迷會活動，吉吉睇到大家轉變同成長，成件事係好warm好窩心，好似一班好朋友一齊玩咁！
吉S粉為吉吉安排好慶祝活動。
吉吉今年生日願望係希望下個月舉行嘅首個個人演唱會成功，呢日個唱記招除咗吉S粉見證之外，仲有一班中聲家族嘅老友魏嘉信、丁文俊、顏志恒、羅啟豪、支嚳儀、顏米羔等撐場，眾人帶嚟一個充滿心思嘅「爆肌」生日蛋糕畀吉吉。
吉吉嘅家人都有到場支持。
吉吉為咗今次演唱會努力操肌，目前要加緊操練六嚿腹肌，吉吉好開心今次演唱會班底係以前合作過嘅夥伴，變咗一個Reunion似大家開派對咁。
一眾中聲好友都有到現場。