顏米羔見復刻古董車雙眼發光 魏嘉信梁浩賢留意《中聲3》戰況緊張刺激

《中聲》歌手顏米羔、魏嘉信同梁浩賢及一眾城中名人，呢日出席由中國香港汽車會主辦嘅經典名車巡遊活動，場面熱鬧。現場十幾架名車列陣，令汽車發燒友米羔睇到兩眼發光：「我係專家，我好鍾意揸車，好鍾意機械嘢。平時我都係揸手波車，所以今日見到覺得好正。」佢亦對現場展示嘅名車如數家珍。

汽車發燒友顏米羔睇到兩眼發光。
講到《中年好聲音3》正進行得如火如荼，三位已升呢做師兄，當然有留意賽事啦！魏嘉信話今次比賽擴大賽區，更加緊張刺激。梁浩賢話自己唔只有收睇節目，仲親自去到錄影現場觀戰。顏米羔話佢淨係睇班參賽者綵排就已緊張到出汗，戰況直情係刀光劍影咁激烈呀！

魏嘉信話今次《中聲3》比賽擴大賽區，更加緊張刺激。梁浩賢話自己唔只有收睇節目，仲親自去到錄影現場觀戰。