與天地對話丨蔡思貝探索與世隔絕秘境 享受與大自然溝通：電話都收唔到

蔡思貝（Sisley）為TVB新節目《與天地對話》出發到位於阿拉伯海嘅索科特拉島拍攝，思貝出發前特登帶埋狗仔返公司開會，佢話好期待今次行程：「呢個島被譽為世界上最似外星嘅地方，島上好多嘅生物、植物都係地球上其他地方搵唔到嘅。」

蔡思貝為TVB新節目《與天地對話》出發到位於阿拉伯海嘅索科特拉島拍攝。
作為香港第一個踏上呢個島嘅藝人，思貝就覺得好榮幸，唯一擔心就係會曬黑。出發前夕同一個節目嘅主持人姜皓文，喺也門拍攝時就遇到空襲事件，令大家膽戰心驚。思貝今次行程會途徑也門，就話出發前有同公司確認安全狀況，所以自己好放心，而且佢仲收到姜皓文嘅溫馨短訊，祝佢拍攝順利，真係好窩心！

作為香港第一個踏上呢個島嘅藝人，思貝就覺得好榮幸，唯一擔心就係會曬黑。
思貝指今次拍攝地嘅生活狀態好原始，連電話都收唔到，不過佢反而更期待：「真係可以擺低一切，去個荒島度自己去同大自然溝通，我覺得好開心都好興奮。」
思貝指今次拍攝地嘅生活狀態好原始，連電話都收唔到。