曾志偉獲頒終身成就獎 林峯廳陳洛軍一角首奪影帝

曾志偉 姜皓文 林峯 歐陽震華 李施嬅 王浩信 伍詠薇 衛詩雅 等多位藝人現身澳門，出席第五屆新時代國際電影節。

獎門人曾志偉 喺15歲就開始演藝生涯，拍過唔少經典作品，呢日佢就獲頒終身成就獎，志偉感激大家多年嚟嘅支持，佢又指自己就好似香港電影界嘅張國榮、譚詠麟咁，只係佢哋代表歌唱畀，而佢哋就係電影界。
志偉呢日獲大會頒發終身成就獎

志偉指80年代有好多電影陪住大家一齊成長，同大家經歷過唔少人生大事，佢覺得香港電影同港樂之所以能夠打氣大家，係因為情懷。

林峯憑《九龍城寨之圍城》中陳洛軍一角而稱帝，獲頒人生首個電影上嘅最佳男主角獎項。雖然榮升為影帝，但阿峯就無自滿，希望可以挑戰到唔同角色，又指自己有一直默默耕耘，手頭上仲有四部電影未上映，而明年初亦會有一啲新嘅電影開拍。
林峯則應《城寨》首嘗影帝滋味

黑仔姜皓文就憑住《談判專家》獲頒「最佳男配角」，近期榮升埋電影監製嘅佢，除咗監製咗賀歲電影外，佢仲會唱埋戲中嘅賀歲主題曲，不過最瘋狂嘅係，由作歌填詞到拍埋MV，黑仔話都係一個晚上搞掂晒，認真快手呀！

姜皓文獲得男配角獎，仲指早前為佢監製嘅賀歲片一晚拍起MV