衛詩雅入紙結婚感動落淚 關智斌被老闆爆樓王身份

出爐亞太影后 衛詩雅 同 關智斌 出席婚嫁代言活動，正所謂人逢喜事精神爽，佩戴鑽飾兼大爽白滑玉背嘅詩雅非常搶鏡，而下年出嫁嘅佢喺呢日活動前，就同未婚夫一齊到婚姻註冊處遞交擬結婚通知書。

衛詩雅出席活動出先同未婚夫排期登記結婚
Michelle笑言當初覺得自己見慣大場面，唔會喺婚姻大事上被感動到喊，點知喺宣誓遞交擬結婚通知書時就覺得好感動而喊。講到老闆叮囑佢唔好連生貴子時，詩雅就話同未婚夫暫時未考慮生小朋友。
佢仲話遞申請書已感動到爆喊

月底生日嘅Kenny獲老闆現身送上蛋糕，不過驚喜都大不過被老闆爆佢係樓王嘅身份，仲話7、8年前經已擁有四層物業，Kenny笑言估唔到老闆將私下對話公諸於世，以後同老闆傾偈要特別小心。

Kenny呢日仲被老闆大爆物業眾多，屬樓王級別