ENERGY新加坡簽票會破紀錄 Toro因身體不適提早離場

台灣唱跳男團ENERGY自從再合體之後掀起一股旋風，而呢股旋風近日就吹去新加坡，佢哋相隔22年再到新加坡宣傳，為11月嘅演唱會舉行唯一一場簽票會，9000個fans逼爆現場，打破場館搞活動嘅最多人數紀錄，現場人山人海，睇上去非常壯觀，而ENERGY亦好識做，話新加坡可以算係ENERGY嘅第二個家，現場9000位歌迷非常開心。

台灣唱跳男團ENERGY相隔22年再到新加坡宣傳，為11月嘅演唱會舉行唯一一場簽票會。
不過呢日活動發生咗小插曲，成員Toro中途突然離場，歌迷發現台上少咗一個人，都好擔心Toro發生咩事，事後唱片公司解釋Toro因為身體不適，所以提早離場返酒店休息，叫歌迷唔使擔心，雖然四缺一，不過ENERGY依然喺台上落力演出，除咗招牌舞步16蹲力度不減，坤達同牛奶仲喺台上搞爛gag，不過一到唱歌嗰陣，佢哋又全情投入，賣力跳唱回饋歌迷嘅支持。

9000個fans逼爆現場，打破場館搞活動嘅最多人數紀錄。