J Music丨與王祖藍上節目Jam歌 林曉峰重返TVB份外親切

王祖藍 林曉峰作客音樂節目《J Music》大展歌喉，更同幾位後生嘅新晉主持一齊Jam 歌，祖藍話同阿Lo一齊現身，差啲畀人以為佢哋係拍《獎門人》！
王祖藍同林曉峰作客音樂節目《J Music》。冼靖峰同阿Lo合唱。
兩個呢日以歌手身份上節目跟唱歌，佢哋都覺得好難得，過往祖藍同阿Lo都係做開主持、演戲同真人騷居多，不過阿Lo先後喺內地開騷，重拾歌手夢，搞到佢團火燒到好熾熱，嚟緊佢同祖藍都有啲音樂大計，希望揾埋一班熱愛音樂嘅朋友一齊玩。今次亦係阿Lo離巢外闖多年後再返嚟TVB上節目，見返好多熟悉嘅幕後工作人員，阿Lo都覺得份外親切呀。

唔講以為佢兩個返嚟錄獎門人。兩個被主持身份擔誤嘅歌手。呢集《J MUSIC》又有唔少好歌聽。