電影泉攻略丨張家輝《重生》咬斷別人手指 畫面太三級被剪走丨EP124

王鎮泉Jeoffrey每星期為觀眾提供最熱辣電影資訊，中外猛片專訪花絮上映時間全部集齊，「電影泉攻略」個個星期陪你睇新戲。

張家輝主演嘅《重生》有不少動作場口，本來唔想拍太多打鬥戲分，點知佢睇完劇本又覺得有啲情節係要打，家輝都認同要有啲畫面就一定要拍，今次角色以復仇為主，要偽裝成為一個心狠手辣嘅亡命之徒，有一場戲分講家輝咬咗人哋隻手指，因畫面太三級被剪走咗，

戲中張家輝咬斷人哋隻手指！

本周新片速遞有《重生》講張耀被毒販迫害至家破人亡而展開復仇，與緝毒隊長安渡暗中合作，二人聯手設局，誓要將犯罪集團頭目剷除，點知背後竟然藏住一場精心佈置嘅復仇棋局，究竟係同仇敵愾定係各懷鬼胎？ 
 張家輝主演嘅《重生》有唔少動作場口。
《傳說》講一名考古專家教授察覺學生喺冰川考察時發現文物上嘅紋理，同自己夢中所見到嘅一塊玉珮極為相似，彷彿通過玉珮將夢境同現實串聯起嚟。帶住所有嘅疑問，教授率領考察隊深入冰川神廟探尋夢中真相，共同開啟一場奇幻冒險之旅。 

《刺猬》講一個精神病人點樣喺正常人世界中生活，喺俗世裡嘅一位奇人偶爾瘋癲、行為古怪，有時卻比一般人更清醒，另外一個敏感沉默嘅少年人因口吃自閉，卻有一種無聲反骨。 兩個完全唔合群嘅人，令身邊人頭疼不已，鬧劇不斷……


《完美物質》由狄美摩亞飾演一位荷里活明星去電視台擔任健美操小姐，因年老而被迫退休，孤注一擲接受革命性回春療程，天賜駐顏之術嘅代價，係同魔鬼進行轉身契約，喺年老色衰與花容青春之間嘅天秤，人性內在醜惡誓必令佢傾斜失控。
劉德華
《危機航線》講一架五星級A380超豪華客機喺國際首航途中遭劫機，國際保安專家挺身而出與一眾劫匪周旋，劫匪頭目以全機800幾人嘅生命作為籌碼威脅，呢場危機應該點樣化解？

呢個星期嘅票房戰況，直至10月9號中午，第三位《我談的那場戀愛》、第二位《武替道》、第一位《小丑：雙瘋》。