洪永城大女「Sir Face」影全家福扭計 好友黎紀君辦毛孩Party同樂

洪永城與太太梁諾妍（Inez）婚後育有兩個女兒Amber同Beryl，加上一隻愛犬，組成一家五口，佢哋早前出席好友黎紀君（Christy）舉行嘅毛孩Party，原來係Christy嘅愛寵４歲生日。

洪永城一家五口早前出席好友黎紀君舉行嘅毛孩Party。
眾人攜小朋友同毛孩出席，而洪永城想趁機一家五口影張簡單嘅全家福，希望全部望鏡頭，點知大女「Sir Face」Amber唔多合作，搞到洪永城有啲狼狽，最終都冇影到一張相係全員望鏡頭，不過勝在氣氛既溫馨又真情流露！

洪永城想趁機一家五口影張簡單嘅全家福，點知大女「Sir Face」Amber唔多合作。

最終冇影到一張相係全員望鏡頭！
Christy今日喺IG貼出為愛犬舉行毛孩Party嘅相，指愛犬由懵懂嘅小豆丁蛻化成懂事嘅少女，作為媽媽真係感觸良多，Christy又指望住啲相，見到一班好友開心玩小遊戲，大家都展現燦爛笑容，令佢特別感恩，皆因呢班朋友同樣係睇住彼此一齊長大。
Christy今日喺IG貼出為愛犬舉行毛孩Party嘅相。一班好友開心玩小遊戲，大家都展現燦爛笑容。梁諾妍同黎紀君一向好老友。