聲優大山羨代離世享年90歲 曾聲演多啦A夢長達26年

據日本傳媒報導，曾為動畫《多啦A夢》嘅角色多啦A夢（叮噹）初代配音員大山羨代，上月29日於東京醫院離世，享年90歲，其家人已低調為她舉行葬禮。

大山羨代

資深聲優大山羨代於1979年起為多啦A夢一角配音，直至2005年才由聲優水田山葵接棒。2015年5月大山羨代嘅丈夫砂川啟介接受訪問時，透露太太患上老人癡呆症，病情時好時壞，同年10月砂川啟介再受訪時，表示大山羨代已忘記自己曾聲演26年嘅多啦A夢，令不少粉絲大感唏噓。