洪金寶與老婆高麗虹澳洲行超市 享受半退休生活相當恩愛

72歲洪金寶（大哥大）近年過住半退休生活，視買餸係娛樂，日前有網民見到大哥大同太太高麗虹喺澳洲墨爾本買餸，見大哥大看似變得消瘦咗，不過佢精神爽利、面色紅潤，排隊畀錢嗰陣全程同太太高麗虹有傾有講，相當恩愛！

日前有網民見到大哥大同太太高麗虹喺澳洲墨爾本買餸。
大哥大見到一名送貨員仲問對方知唔知榨菜擺喺邊，最終送貨員搵該店職員幫忙去搵，而另一網民就指大哥大每個禮拜都會外出購物，上次就撞過佢喺超市買水果，二人好似普通夫妻買菜日常。

高麗虹細心照顧丈夫，堪稱一百分太太，視洪金寶與前妻所生的子女如己出。
大哥大喺2017年曾進行膝蓋手術，近年行動不便，不時被影到坐輪椅或撐枴杖出行，大哥大唔怕外界目光，悠然自得，享受買餸時光。

72歲洪金寶近年過住半退休生活，視買餸係娛樂。