金曲獎歌王HUSH相隔9年再度來港 曾跟老闆五月天瑪莎講想放棄做歌手

曾連續兩年獲頒金曲獎最佳作曲人，並喺去年成為金曲獎歌王的HUSH，前日喺旺角麥花臣場館舉行演唱會，被譽為「天后御用創作才子」嘅HUSH以最拿手溫柔嘅曲風，與香港樂迷共度最暖心嘅晚上。 

HUSH以最拿手溫柔嘅曲風，與香港樂迷共度最暖心嘅晚上。
HUSH曾同孫燕姿、張惠妹、林宥嘉、劉若英及Gin Lee（李幸倪）等合作，作品間盡顯佢對生命與愛情嘅觀點，演唱會開首，穿黑白色西裝嘅HUSH，一口氣獻唱《波希米亞》、《黑夜的烏鴉》、佢為林宥嘉創作、台劇《我們與惡的距離》主題曲《別讓我走遠》及《大樹小花》，一字一句直接走進樂迷心坎，為個唱點題。 HUSH與香港樂迷打招呼，感謝大家久等自己9年，又坦言樂迷嘅支持對佢好重要。

HUSH盡情展現型格又優雅嘅面向，舉手投足散發着獨有騷味。
HUSH盡情展現型格又優雅嘅面向，舉手投足散發着獨有騷味，台上台下齊齊隨節奏搖動身體。唱到《克卜勒》嗰陣，台下樂迷紛紛舉起手機營造星海兼大合唱，緊接唱《成人》，大銀幕播出一幅幅嬰孩嘅超聲波圖像與身體各部位的X光片，為樂迷帶嚟對生命嘅反思。 

HUSH曾覺得寫歌嘅錢比做歌手賺更多。
HUSH回想做《娛樂自己》嗰張專輯時，佢同老闆五月天瑪莎講嚟到第三張專輯，如果冇不一樣嘅表現，不如好好寫歌，佢覺得寫歌嘅錢比做歌手賺更多，就係GO BIG OR GO HOME；HUSH坦言自己好幸運，自細嚮往做音樂亦非常喜愛睇金曲獎，然後成為金曲獎男歌手。 

HUSH認為做歌手係冇退路，因為對「自己的選擇有退路，人就很難全力以赴」。
HUSH認為做歌手係冇退路，因為對「自己的選擇有退路，人就很難全力以赴」，正如有「不如好好寫歌」呢個諗法，令HUSH覺得好羞恥，佢希望大家一齊有GO BIG嘅心情，台下觀眾亦報以歡呼表示支持。 最後HUSH與全場樂迷大合照，並鬼馬咁講：「飛吻！」完成香港站後，HUSH將去武漢、廣州及北京等地巡唱。