伍仲衡連續兩日開工拍劇練演技七情上面 與鍾柔美跳舞跳出穿透力

伍仲衡（伍Sir）喺TVB歌唱真人騷《中年好聲音》做評判，由於言談風趣幽默，收穫唔少粉絲，伍Sir噚日起一連兩日現身TVB電視城，不過佢今次唔係為《中聲3》錄影，連日喺社交平台貼出開工相，大家都估佢究竟係演邊套劇！？

伍Sir噚日起一連兩日現身TVB電視城，連日喺社交平台貼出開工相。
伍Sir噚日喺社交平台貼出喺公司Cafe同《愛‧回家之開心速遞》演員嘅合照，惹嚟不少網民估伍Sir係咪客串演出，啲網民表示好期待，之不過伍Sir就未有透露係拍邊套劇，伍Sir今日再貼出喺化妝間準備開工嘅相，有網民指伍Sir唔似客串，睇嚟好多戲份。

伍Sir就未有透露係拍邊套劇，今日再貼出喺化妝間準備開工嘅相，有網民指伍Sir唔似客串。
伍Sir喺放飯時間嗰陣，就拍咗條片話係練習演技，七情上面講：「你做過啲乜嘢，你心知肚明，唔好喺我面前扮嘢，你趷起條尾，我都知你諗乜。」有網民覺得佢雖然好認真，不過表情略嫌有啲浮誇，另有網民提議伍Sir用普通話講，視帝都有得爭！

伍Sir喺放飯時間嗰陣，就拍咗條片話係練習演技，點知周國豐睇完條片笑指：「儘快入…青山。」
好友周國豐睇完條片笑指：「儘快入…青山。」伍Sir搞笑回覆：「怎知我是在扮演青山病人，你給了我很大的信心。」周國豐接道：「青山病人嘅話，你完全唔使扮，對你好有信心，你根本就係。」之後伍Sir貼出一條片見佢同鍾柔美（Yumi）一齊跳舞，網民笑言佢係被音樂耽誤嘅舞蹈家，另有網民指伍Sir跳出穿透力：「就嚟跳穿地板，Yumi都要行埋一邊。」

伍Sir貼出一條片見佢同鍾柔美（Yumi）一齊跳舞。