楊千嬅巡演重慶站三萬人大合唱 戰友劉惜君任嘉賓憶歌手夢起點

楊千嬅 嘅世界巡迴演唱會去到重慶站，尾場時千嬅仲為超過3萬歌迷送驚喜，邀請到《聲生不息》隊友劉惜君擔任嘉賓合唱。千嬅都好珍惜之前參加節目嘅機會，令佢認識咗好多老友，而惜君就係其中之一，佢喺騷上更大讚千嬅對佢嚟講更勝愛人，因為以前剛萌芽做歌手時，就見到千嬅在各大頒獎禮得獎，有很多好聽作品，立志要成為好似千嬅一樣嘅歌手，結果沒想到可以為千嬅演唱會做嘉賓，令千嬅好感動。

楊千嬅嘅巡迴演唱會近日去到重慶演出
全場嘅歌迷好齊心合唱，令千嬅忍唔住不斷喊，無論係Side Track歌定係經典歌，包括《稀客》、《一個人童話》、《河童》等，全場都一齊跟住唱氣氛超正呀﹗千嬅仲用手機紀錄呢個重要時刻留念。 
呢場佢邀請《聲生不息》嘅隊友劉惜君擔任嘉賓

唔經唔覺巡迴去到第42場進入倒數階段，千嬅都有啲唔捨得，同時宣布尾站會返到開始站廣州開騷，回憶自去年4月起走過超過50個國家城市開騷，令千嬅相當感慨話雖然唔係每一個地方都去到，至少大家都可以聽到佢嘅歌聲。

佢又宣佈尾場將再移師廣州舉行