劉若英邀阿信任演唱會嘉賓 為五迷追問五月天上海站演出日期

劉若英一連兩場嘅上海演唱會圓滿落幕，呢次奶茶除咗唱自己嘅經典歌，佢仲揀咗富有上海韻味嘅金曲翻唱，令觀眾相當驚喜。而第二晚令到大家驚喜嘅，就係奶茶請嚟五月天嘅主唱阿信擔任嘉賓，二人嘅合唱更掀起全場高潮。

劉若英喺上海站獻唱多首上海老歌
五月天嘅世界巡迴演唱會，幾乎每個月都會去到內地唔同城市舉行，而作為每次內地巡唱尾站嘅上海場，就一直遲遲未官宣，令fans們都等到心癢癢。而呢晚奶茶就為五迷向阿信問個明白，阿信就鬆口話：「過不久也會回上海。」但當奶茶想再問多啲時，阿信就瞬即轉話題，讚奶茶應付四面台時遊刃有餘，但自己面對四面台時就好似四面楚歌。

呢日邀請阿信做嘉賓，仲公開為五迷謀福利