古佩玲9月壽星自揭有「拖延症」今曬熊家人合照：給予我最溫暖的愛

古佩玲（Kelly）於2019年參加香港小姐奪季軍入行，最近演處境劇《愛·回家之開心速遞》常駐角色申瑞素（素素）而為觀眾認識，9月壽星嘅古佩玲今日喺IG貼出一堆圈中好友為佢慶祝25歲生日嘅相，古佩玲笑指自己有少少拖延症，但佢好感恩身邊嘅人給予最溫暖嘅愛。

9月壽星嘅古佩玲今日喺IG貼出一堆圈中好友為佢慶祝25歲生日嘅相。
古佩玲忽然喺IG上載多張相稱「充滿愛的9月」，見熊家成員單立文、滕麗名、呂慧儀及張景淳有同佢食生日飯，而《愛·回家》劇組喺開工嗰日準備咗多個唔同口味嘅蛋糕同古佩玲慶祝，仲有好姊妹林凱恩、黃嘉雯、黃婉恩、王菲及陳熙蕊等輪流同佢食飯慶祝，真係隔住個mon都feel到好有愛！

熊家成員單立文、滕麗名、呂慧儀及張景淳有同古佩玲食生日飯。豹嫂胡蓓蔚亦有出席。熊家人非常有愛！黃嘉雯、黃婉恩、王菲及陳熙蕊同佢食飯慶祝，仲好有儀式感！
壽星女古佩玲留言：「現在到10月中~對於有小小拖延症的我來說，9月有太多太多的照片存在小小的手機內沒有分享，我會慢慢追進度的！25歲生日過的很幸福！很感恩也很感謝身邊的人總是善良又熱情，會給予我最溫暖的愛❤️每一日都充滿能量，感謝你們在我開心或不開心的時候都會給予我正能量，善意。真誠的心用心去感受🥺。」古佩玲又指今年食咗好多蛋糕，好感謝大家畀驚喜我。