老婆生日被假帳戶指出軌贈慶 伍富橋無奈喊冤藉機宣傳新歌

伍富橋同太太梁兆楹（Shirley）結婚兩年恩愛甜蜜， 日前佢哋去新加坡再轉飛馬爾代夫享受陽光與海灘，此行亦係Shirley三十歲生日之旅。點知日前有人私訊Shirley話伍富橋出軌，仲寫上「我有你老公偷食證據起（喺）手」，Shirley簡單回一句「想睇」。

伍富橋今日趁太太30歲正日生日喺社交平台以「被屈出軌KOL」署名，分享同異性嘅床照兼發長文澄清。
出軌短訊絕對冇影響佢哋夫婦嘅生日之旅，伍富橋仲太太送上驚喜，喺入住酒店播出自己同太太嘅歌曲《很多很多份之一》，Shirley豎手指公讚好。伍富橋今日（15號）趁太太30歲正日生日喺社交平台以「被屈出軌KOL」署名，分享同異性嘅床照兼發長文，面對近日被指出軌新聞，伍富橋指受到太太樂觀勇敢性格影響，懂得點面對，「在我和太太準備出發生日旅行之際，收到一個假account的訊息，對方聲稱有我所謂出軌的證據在手，之後我亦用語音要求他send出來，但是對方再沒有回覆過」。

日前有人私訊Shirley話伍富橋出軌，仲寫上「我有你老公偷食證據起（喺）手」。
伍富橋指對方行為極度自私並且不負責任，雖然太太叫佢唔使太在意，但到現時事情發酵，作為男人，作為一名丈夫，佢覺得佢有需要面對及回應，更重要係澄清：「在此最後鄭重聲明，如你有證據，歡迎你直接放上網，不用DM我太太或者我本人，如果並沒有，就希望你學會不要將自己所謂的快樂建立在別人的痛苦身上。」

伍富橋附上新歌《一劇之本》花絮同床照。
伍富橋又指出軌同被出軌，跟樣子及家庭環境背景無關，係每個人嘅道德同人格問題。就算大家覺得佢冇道德，但其實佢更冇膽量。每個人都唔會完美，但至少要善良，「己所不欲，勿施於人」。最後，伍富橋非常多謝呢位匿名朋友，本來煩惱寂寂無名嘅自己，應該點樣宣傳新歌呢？謝謝對方嘅一個訊息，令佢有咗呢個宣傳新歌嘅機會，附上新歌《一劇之本》花絮同床照。

伍富橋（Alvin）與梁兆楹（Shirley）在2022年5月8日結婚，因為女方是富家千金，由此伍富橋被外間封為「億萬駙馬」。