區瑞強偕弟妹破天荒開慈善騷 吳大強與契女合唱打破年齡差距

民歌王子區瑞強將於下月舉行演唱會，呢次個唱主題跟親情有關，屆時弟弟區瑞明及細妹區桂芬會上台表演，三兄妹都係唱得之人，今次破天荒開慈善騷，佢哋覺得好難得。

區瑞強下月會同細佬妹區瑞明仲有區桂芬齊齊開騷
有份做嘉賓嘅吳大強（Bill哥哥）原本想同阿仔吳偉豪父子檔上陣，最終因檔期問題未能成事。Bill哥哥最尾搵咗契女范明熙一齊演出，Bill哥哥話對契女唱功好有信心，指音樂打破二人年齡差距。
Bill哥哥原本希望同吳偉豪一齊演出，可惜因檔期問題改邀契女范明熙演出

區瑞強呢次仲搵咗胡楓（修哥）偕4位曾孫演出，仲有韋綺姍及麥潔文分別同自己阿女上台獻唱，彭家麗同胞弟彭皓鋒又一齊上台唱歌，連嘉賓陣容都滿載溫情！