企業強人丨譚俊彥拉隊鬧市快閃宣傳 龔嘉欣預告為張曦雯流淚

熱播中嘅台慶劇《企業強人》經已嚟到結局周， 龔嘉欣 譚俊彥 同 張曦雯 等拉隊去到尖沙咀鬧市快閃宣傳，向市民派紀念品，吸引唔少粉絲同途人支持，作為劇集最後一個宣傳活動，Katy都話好開心面對面收到途嘅觀後感，佢笑言快閃宣傳好似選主席一樣，正如劇情一樣，阿Shaun就話劇情發展終於幫佢洗白。

Kelly同嘉欣爭任董事會主席嘅惡鬥將有突破性發展
講到劇情發展會否有機會開拍續集，Katy就話Kelly提議開拍《廚房強人》，阿Shaun仲話Kelly畀人感覺似高冷主廚。講到劇集故事發展，佢哋就預告Kelly將引發催淚劇情，Kelly憶起當日阿Shaun講咗兩三頁對白，經已好催淚。被封為「淚之女王」嘅Katy都話劇情都要為Kelly而喊。
佢哋仲話劇情發展會令大家都為丁寧落淚

尹詩沛 飾演表面柔弱嘅大奸角，近幾集劇情終於露出狐狸尾巴，大家都大讚佢深藏不露演技，佢都話好開心做奸角都多人鍾意。

尹詩沛落毒後又被過橋抽板，唔少觀眾都讚佢深藏不露