蕭正楠公開7年前生蛇似電擊痛 黃翠如下令停工休養貼心照顧

蕭正楠（Edwin）同區永權（Albert）主持嘅台慶綜藝節目《呃錢》將會喺10月21日晚首播，兩人將會走入社區了解巿民被騙經歷。而喺節目出街前，阿蕭近日向傳媒透露7年前生蛇，好彩得到老婆黃翠如悉心照顧，令佢喺康復期感到好窩心，再次公開多謝老婆。

阿蕭近日向傳媒透露7年前生蛇，好彩得到老婆黃翠如悉心照顧。
阿蕭近日公開自己喺2017年時拍攝古裝劇《翻生武林》時生蛇經歷，拍攝時要赤祼上身喺偏僻地方取景，之後發現背部出現紅點並有疼痛感覺，最初以為係被蛇蟲鼠蟻咬，但紅點蔓延橫向發展，最後求醫證實生蛇。

阿蕭喺2017年時拍攝古裝劇《翻生武林》時發現背部出現紅點並有疼痛感覺，求醫證實生蛇。
當時阿蕭大吃一驚，覺得40歲就出現呢個問題，實在唔知點好，加上拍劇每日好大體力透支，嚴重睡眠不足，最深刻記得生蛇時紅疹位置有電擊嘅疼痛，醫生下令立刻停工休息，阿蕭原本想頂硬上，最終喺翠如嘅一聲令下，無奈向劇組請假休息。當時翠如雖然未做阿蕭老婆，但翠如好關心阿蕭狀況，要佢請假停工休養，翠如仲親自下廚煮食，貼心照顧阿蕭嘅日常，令佢好窩心。

阿蕭請假停工休養，翠如有親自下廚煮食，貼心照顧阿蕭嘅日常。
近日阿蕭宣傳生蛇資訊時，重提自己呢個慘痛經歷，透露後遺神經痛持續左差唔多半年，生過蛇嘅位置成日會有被電擊嘅感覺。之後翠如留言：「諗返起，真係我都嚇親。」而阿蕭亦回應：「你救返我嘅﹗」

近日阿蕭宣傳生蛇資訊時，重提自己呢個慘痛經歷，透露後遺神經痛持續左差唔多半年，生過蛇嘅位置成日會有被電擊嘅感覺。