電影泉攻略｜泰國史上最恐怖鬼片出4K修復版 捉鬼敢死隊有望電影動畫混合丨EP125

今個星期由王鎮泉主持嘅《電影泉攻略》繼續為大家帶來電影資訊，大家都知道James Gunn自從接掌DC之後好努力去重建全新DCU宇宙，至現時為止開發嘅就有《超人》、《企鵝》、《Supergirl》同《和平使者》同《綠燈俠》等影集。而《神奇女俠》嘅前傳影集《失樂園》就仲未過到James Gunn嗰關，另外大家關心嘅新DCU裡面神奇女俠會唔會由Gal Gadot擔任？因為有部份演員已經回歸做DCU嘅角色。
大家關心嘅新DCU裡面神奇女俠會唔會由Gal Gadot擔任。
呢個星期新片速遞分別有《魅影2》，講述一位樂壇天后喺世界巡迴就快開始時，竟然被連串怪事纏上，而且一次比一次心寒。面對因為名氣而來嘅壓力，仲有不斷恐怖遭遇，佢被迫返回暗黑過去尋找線索，挽回瀕臨崩潰命運。

《鬼影(4K修復版)》被譽為泰國史上最恐怖鬼片，適逢20周年推出4K修復版。講述一名攝影師阿東同女友不慎撞倒一名女子後不顧而去，自始阿東拍攝所有照片都會出現靈異女影，阿東出現莫名頸痛背痛，而身邊朋友仲神秘相繼死亡。

《完美配對謀殺案》講述加州一名迎接最後一年中學嘅華裔男孩DIDI經歷瘋狂成長歲月，為咗討好新朋友而拍攝滑板影片，傻更更嚐試被戀，同姐姐反面，仲有同屋企人嘅悉心呵護都成為DIDI嘅煩惱同負擔。

《捉鬼敢死隊》系列電影係唔少人嘅集體回憶，今年上映嘅第五集《冰封魅來》雖然搵嚟Paul Rudd同一班元老演員回歸，怛票房成績同口碑都只係普通，全球收二億美元票房都未回到本。不過導演Gil Kenan最近就暗示有機會未來推出嘅《捉鬼敢死隊》動畫會聯同電影嚟個crossover，大家要拭目以待。

睇睇香港票房龍虎榜，截至10月16日中午，第三位《完美物質》、第二位《我談的那場戀愛》及第一位《小丑‧雙瘋》。