張家輝憑《贖夢》榮獲最佳導演獎 電影獲點名讚揚特技效果出色

影帝張家輝演而優則導，憑自導自演嘅新作《贖夢》得到肯定，日前(17日)喺英國曼徹斯特Grimmfest電影節(GRIMMFEST 2024)，家輝打敗一眾強敵，獲得評審團一致青睞，勇奪「最佳導演獎」，真係好威水！

家輝打敗一眾強敵，獲得評審團一致青睞，勇奪「最佳導演獎」！
今屆電影節有來自全球包括美國、德國、英國等地嘅20多部奇幻恐怖片參展，《贖夢》係唯一參展嘅華語電影。評審團表示家輝之所以能夠脫穎而出，因為佢家輝唔止係編劇同導演，亦喺電影中擔任主角。

評審團表示家輝唔止係編劇同導演，亦喺電影中擔任主角。
除咗家輝勇奪「最佳導演獎」，喺「最佳驚嚇電影」(BEST SCARE)以及「最佳視覺及特殊效果」(BEST VFX / SFX)兩個獎項，亦得到評審團特別點名表揚。由楊文傑領軍嘅特技團隊，以特技效果將片中嘅驚悚氛圍發揮得淋漓盡致，令《贖夢》成為今屆影展一大亮點。

《贖夢》成為今屆影展一大亮點。

《贖夢》係心理驚悚恐怖電影，由張家輝、陳法拉、劉俊謙、袁富華及朱晨麗主演。
《贖夢》今年先後入圍7個影展，包括意大利烏甸尼遠東電影節、韓國富川國際奇幻電影節、西班牙錫切斯國際奇幻電影節全景單元，馬來西亞國際電影節、德國奇幻電影節，英國曼徹斯特Grimmfest電影節，以及巴黎詭奇電影節競賽單元。電影由張家輝執導兼主演，劉俊謙、陳法拉領銜主演，其他演員陣容包括袁富華、朱晨麗、李凱賢及袁綺雯，仲有許恩怡(Natalie)特別演出，電影未上映已經廣獲好評，相信會令影迷更加期待。

電影《贖夢》未上映已經廣獲好評，相信會令影迷更加期待。