曾之喬辰亦儒揭曉BB性別 溫馨喊話BB係獨一無二存在

台灣女星曾之喬同前飛輪海成員辰亦儒結婚4年，今年8月宣布懷孕喜訊，兩公婆近日舉行性別揭曉派對，正式公佈BB性別，而喬喬更特別剪輯一條短片，同大家分享對迎接新生命嘅期待同喜悅。

兩公婆近日舉行性別揭曉派對，正式公佈BB性別。
影片中可以見到，派對現場佈置充滿心思，兩公婆捨棄慣用嘅藍色同粉紅色，選用喬喬最愛嘅綠色代表女仔，Calvin最愛嘅白色代表男仔，喬喬著住綠色裙，腹部微微隆起，但四肢依然纖瘦，Calvin著住綠色白色相間嘅恤衫。會場佈滿水果、綠葉、花束同氣球。兩公婆戳破超大氣球一刻，白色小氣球紛紛落下，全場歡呼聲不斷，兩公婆一索得男，真係恭喜晒！

台灣女星曾之喬同前飛輪海成員辰亦儒結婚4年，今年8月宣布懷孕喜訊。
喬喬話本身唔打算搞性別派對，因為唔想強化社會對男孩或女孩嘅期待同刻板印象，但最後基於個人「貪玩」嘅心態，最終都係決定舉行，因為想享受戳破大氣球一刻帶來嘅樂趣。佢亦同BB道歉話希望BB能夠理解並鍾意呢場派對帶來嘅美好。不過喬喬不忘強調，唔希望外間對性別有太多標籤，仲感性同BB講：「你就是你呀，獨一無二的你呀！」即將為人母嘅真摯告白，令大家都好感動。

兩公婆捨棄慣用嘅藍色同粉紅色，選用喬喬最愛嘅綠色代表女仔，Calvin最愛嘅白色代表男仔。
喺影片最後，喬喬仲同阿仔深情說話：「這一切的一切，都是對你的愛和祝福，不論你的生命將會經歷什麼。」溫柔嘅語氣完全可以感受到佢對新生命嘅期待。派對上除咗雙方親友，仲見到好耐冇見嘅台灣男星郭品超，長年喺內地發展嘅郭品超特登飛返台灣參加派對，足見雙方嘅好交情。

會場佈滿水果、綠葉、花束同氣球。