支嚳儀客串《愛‧回家》化身支珠絲勾引龔燁 熊若水報奪愛之仇誤傷大小姐

支嚳儀喺第一屆《中年好聲音》被稱為顏值擔當，雖然參加歌唱比賽入行，不過有顏值又口齒伶俐嘅Venus，陸續喺唔同領域展現才華，有份主持嘅節目《我推的野男LIVE！》啱啱播完，好快又見到Venus有新嘗試，就係拍劇啦！而且仲係最入屋嘅《愛·回家之開心速遞》。

支嚳儀客串演《愛·回家之開心速遞》化身支珠絲。
Venus今日喺IG上載咗幾張古裝相，佢寫到：「追劇就追得多，人生都就嚟到40歲冇諗過仲有機會可以體驗拍劇，仲要係愛回家。大家好！我係「支珠絲」call me Juicy！！！！！初次嘗試多多指教。」

Venus今日喺IG上載咗幾張古裝相，原來佢有份客串嗰集今晚播出！Venus指人生就嚟到40歲冇諗過仲有機會可以體驗拍劇。同劇嘅演員有為支嚳儀打氣。
由Venus上傳嘅限時動態片段中見到，化身支珠絲嘅Venus，竟然大膽勾引變成唐三藏嘅龔燁(張景淳)，最搞笑嘅係龔燁嘅老婆熊若水(呂慧儀)竟然變身豬八戒，之後熊若水想搵支珠絲報仇，但卻搵錯對象誤傷大小姐(林淑敏)，劇情七國咁亂又充滿笑料，大家記住留意今晚八點《愛·回家之開心速遞》！

熊若水覺得支嚳儀想勾引龔燁！熊若水想搵支珠絲報仇，但卻搵錯對象誤傷大小姐。《愛‧回家之開心速遞》第2403集劇情七國咁亂又充滿笑料。

Bill哥哥曾喺第2068集客串演出，道出中年有夢想。

黃劍文喺第2398集客串《愛‧回家》飾演小巴司機。