《中年好聲音》中一生相聚友情不變 提早為十月壽星林鉫徫慶祝

TVB歌唱真人騷《中年好聲音》鼓勵大家勇敢追夢，令一班熱愛音樂嘅人聚埋而成為好友，連張家輝都自揭係《中聲》忠粉，大讚節目勵志又成功，畀咗中年人一個機會，「中一生」雖然平日工作各有各忙，不過佢哋友情不變，更提早為十月壽星林鉫徫慶祝生日！

「中一生」雖然平日工作各有各忙，不過佢哋友情不變。
「中一生」周吉佩、李佳、羅啟豪、龍婷、顏志恒、吳大強、支嚳儀、林鉫徫、丁文俊及魏嘉信呢日難得齊人打邊爐，林鉫徫開心稱終於齊人，平時各自忙碌，但當佢哋聚埋一齊，嗰份默契與支持彷彿從未遠離，友共情不變，丁文俊都話呢個係高興又真摯嘅一餐飯。
中一生提早為十月壽星林鉫徫慶祝生日！