魏嘉信獲中聲唱將補祝生日 一改長氣作風將心聲印上T恤

「中聲1」成員 魏嘉信Chris搵埋好友 顏志恒Benson、丁文俊 同 林鉫徫 一齊參加歌迷會聚會，8月份生日嘅Chris仲獲Benson送上生日蛋糕補祝生日，四位又獻唱多首歌曲搞氣氛。Chris好開心獲得大家同自己慶祝，而佢嘅生日願望係可以出一首屬於自己嘅單曲及更多機會唱歌。

魏嘉信邀請幾位老友同自己嘅歌迷一齊聚會
身為律師嘅Chris，一直都被身邊好友笑佢太長氣，大一歲嘅佢決定一改呢個問題，仲將想講嘅說話印喺自己設計嘅T恤上面，警醒自己要保留初心，衫上背面印有Chris嘜頭，而前面則有一段來自於個人感受嘅說話，大意指音樂無分界限，無人可以判決邊種音樂優越過邊一種音樂，只在於個人喜好，應該要互相尊重。
佢仲將自己嘅心聲印落T恤，又話要戒長氣咁話

不過最搞笑嘅係幾位好友叫Chris可唔可以簡單形容段對話時，鉫徫就笑佢之前形容呢幾句講咗足足十分鐘呀。

佢又話生日願望係推出自己嘅單曲