譚輝智新歌講夫妻關係 拍MV與女主角對戲感拘謹

《中年好聲音2》人氣王譚輝智出歌喇！新歌《多麼感激》MV由黃婉恩（Yancy）飾演輝智太太一角，畫面要拍出夫妻感覺，難免會有較溫馨場面。不過輝智睇落有啲拘謹怕羞，連攬攬動作都係以凌空手完成，佢亦笑言自己：「見唔到大場面，一見到就即刻硬曬軚。」

譚輝智新歌MV搵嚟黃婉恩做女主角。
輝智否認係怕太太呷醋，所以先會有咁嘅反應，仲表示自己係「第一次拍嘢」，所以都chock個梁朝偉式深情眼神都難啲。講到太太部分，輝智就話其實自己有叫過太太到拍攝現場監工，不過時間太早，加上太太唔得閒，所以先冇嚟。

拍抱抱鏡頭時，譚輝智使出紳士手。
 
新歌講述夫妻關係，輝智就覺得歌詞好似講緊自己同太太嘅故事。而佢更透露，自己有諗過叫太太做MV女主角，亦開口邀請太太，但結局就係慘食檸檬。而喺MV有好多幕都係輝智照顧太太，佢笑言平時雖然都會做呢啲事，但係喺眼神上就當然冇咁誇張。
 MV中二人飾演夫妻。譚輝智話自己好緊張。
其實輝智喺五月開騷前已經入過錄音室試唱呢首歌，當時亦同監製張家誠互相交換唔少內心事去燃起感情，繼而開始試唱，不過喺開騷後佢就對歌詞更有領悟，所以再入錄音室重錄歌曲。
輝智話有諗過叫太太做MV女主角，亦開口邀請過，但結局慘食檸檬。輝智話自己見唔到大場面，一見到就即刻硬曬軚。