星光路上丨姜大衞謝絕狂蜂浪蝶埋身 婚姻要互相忍讓對琳琳姐一條心

姜大衞（John哥）喺《企業強人》飾演商界老狐狸，其角色深入民心，近日接受TVB娛樂新聞台節目《星光路上》訪問，同 潘盈慧 大談該劇最深刻嘅場口，以及與太太李琳琳恩愛相處之道。
John哥 接受 潘盈慧 《星光路上》嘅訪問。
John哥童星出身，坦言係好自然入咗呢行，細個唔知咩係演戲，未正式做演員前，有試過做office boy，最後John哥都係唔鍾意返文職，John哥笑指嗰時有做飛仔，不過唔係好曳嗰種，間中有同人打交，之後佢去咗拍武俠片，姜大衞跟住時裝劇，笑指拍Kiss戲時好似一碌木企喺度咁。
唔少觀眾大讚John哥喺《企業強人》入面嘅演出。
John哥今次拍《企業強人》演技獲讚，佢指最印象深刻係《企業強人》同謝東閔嘅父子戲，加上同陳豪開會戲份舌劍唇槍，John哥都覺得節奏捕捉得唔錯！
唔少觀眾大讚John哥喺《企業強人》入面嘅演出。John哥又大談同李琳琳嘅婚姻生活。
講到喺《企業強人》出賣阿女龔嘉欣，John哥指現實中見到仔女做得唔好，佢通常係唔出聲，反而係私下同太太傾，太太琳琳姐總係話佢哋後生都係咁啦；John哥笑稱同琳琳姐後生有一齊跳舞飲酒，John哥坦認係試過有女人主動埋身，不過John哥都唔太理對方。
John哥認為婚姻要互相忍讓、互相遷就。
John哥認為婚姻要互相忍讓、互相遷就，有時要打電話畀對方慰問一下，即使去到邊都係電話不停，姜大衞覺得喺事業同家庭上，自己都係好幸運！