黑色月光｜林夏薇黑化奸角引討論 Post相宣傳自我珠寶少露性感

台慶劇《黑色月光》下周就會喺翡翠台播出，新劇中 楊茜堯 同 林夏薇 兩大視后鬥法。劇集於內地率先推出，網上熱播之下討論度極高，而飾演反派嘅薇薇更熱度不斷，佢嘅角色仲慢慢由人畜無害、忍辱負重到逐漸黑化，演技層次豐富。

林夏薇《黑色月光》中嘅角色掀起唔少網民討論
除咗薇薇嘅演技之外，劇中佢嘅造型同穿搭亦引起討論同追捧，有唔少網民大讚。而薇薇亦喺社交平台藉呢次機會，Post出自己品牌鑽飾嘅生招牌相片宣傳新系列，仲話：「自己品牌自己上陣。」，又見佢同劇中針鋒相對嘅拍檔曬出合照。
佢仲化身生招牌宣傳珠寶品牌

而薇薇仲留言自己對演戲同鑽石一樣沉迷，仲認為兩者有唔少共通點：「鑽石透過唔同形狀、唔同元素和諧結合，先散發出獨一無二嘅氣質。而一齣精彩嘅劇集，一樣有唔同特質嘅演員、優秀劇本同團隊巧妙連接，先會成爲出色作品，而當中最最最重要，仲係要觸動人心。」

劇中佢同茜堯雙視后現身，令唔少觀眾都期待劇集下周播出